Kostverächertin

Diese Wöd is voller Grauslichkeitn,
die mich wolln zum Schmaus valeitn,
hinterfotzig pickert mit Dekor vom Konditor.

Sis a Gfrett mit oi de siaßn Sachn, Fräulein, tuans mi ned valachn,
bringan’S ma an Schwoazn ohne Schlag! Wann ich’s sag!

Bin ka Zuckagoschal ned,
ob schon ich sehr gern naschn tät,
doch die köstlichn Genüsse san
Gift für meine Gallensteine!

Diese Cremeschnitten, Zimtschneckerl, Punschkrapferl, Kirschfleckerl,
Nussbeugerl, Schaumrolln! Sie! Tan’S ned die Augn rolln!
Na, des is ma nicht bekannt,
a wos is des, a Schichtkrokant, aso!
Kein Gluten! S’tuat nua blähn!

Auf Maroniherzn, Mandlkipferl, Cubabomben, Nougatschifferl,
Laabergkronen, Himbeerschüsserl, Venusbrüstchen, Kokosbusserl,
Marzipan und Tüffeltorte, Malakoff und Sacher sowieso
hätt i Gusto!

Bin ka Zuckagoschal ned,
ob schon ich sehr gern naschn tät,
doch die Attackn auf mein’ Gschmackn san
für de Beißer Plombenreißer!

Giotto, Toffifee und Toblerone, Schockopudding von Danone,
Karamell und Tortenecken, Mannerschnitten, Zuckerschnecken
und des Heer von Gustostücken, die des schwache Mensch beglücken,
verleihn Flügel meinem Zuckerspiegel!

Oba kosten lasst mich schon!